Гийом Вармуз «Ланс»нинг чемпионлик имконига ишонмоқда

«Ланс»нинг афсонавий дарвозабони Гийом Вармуз собиқ жамоасининг ўйинларини катта қизиқиш билан кузатмоқда. Унингча, парижлик «ПСЖ»нинг Франциядаги устунлигига жиддий чақириқ ташлаган «Ланс» яна бир бор чемпионлик учун реал кураш олиб бориши мумкин. Бу ҳақда euro-football.ru хабар беради.

Вармуз 1998 йилда айнан «Ланс» билан бирга чемпион бўлганини эслатиб, клуб бу муваффақиятни такрорлашга қодирлигини таъкидлади. «Раҳбарият, эҳтимол, Чемпионлар лигаси зонасини кўзлаётгандир. Аммо ҳозир «Ланс» чемпионликка ҳам даъвогар дейиш мумкин. Агар жамоа апрелгача юқори ўринларни ушлаб турса, бу жуда жиддий ариза бўлади. Лансда ҳамма ишонади — улар титул учун жанг қиляпти», — дея Вармуз сўзларини derbyderbyderby.it келтирди.

Бироқ шанба куни «Ланс» Вармузни хафа қилди: «Монако»га қарши баҳсда 2:0 ҳисобида олдинга чиққан жамоа иккинчи бўлимда уч марта гол ўтказиб юборди ва якунда мағлуб бўлди.