«Ювентус» ҳужумчиси Йилдиз «Галатасарой»га қарши ўйинни ўтказиб юбориши мумкин

«Ювентус» ҳужумчиси Кенан Йилдиз А Сериядаги «Комо»га қарши кечган ва туринликлар 0:2 ҳисобида ютқазган баҳсда жароҳат олди. Бу ҳақда euro-football.ru хабар беради.

Corriere dello Sport хабарига кўра, туркиялик футболчида чап болдир мушаги шикастланиши аниқланган. Шу сабабли унинг 25 февраль куни бўлиб ўтадиган Чемпионлар лигаси плей-оффининг биринчи босқичи доирасидаги «Галатасарой»га қарши жавоб учрашувида майдонга тушиши ҳозирча номаълум.

Йилдиз 2022 йилда «Бавария»дан эркин агент сифатида «Ювентус»га келиб қўшилганди. Унинг турин клуби билан шартномаси 2030 йил 30 июнгача амал қилади. Жорий мавсумда ҳужумчи барча мусобақаларда 35 та ўйинда қатнашиб, 9 та гол урди ва 8 та голли узатмани амалга оширди.