Жезуш Роналдуни навбатдаги ўйинда дам олдиради

«Ал-Наср» бош мураббийи Жорже Жезуш Криштиану Роналдунинг нега яқинлашиб келаётган учрашувда майдонга тушмаслигини изоҳлади. Бу ҳақда euro-football.ru хабар беради.

Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс олиб боради. Португалиялик юлдуз ҳужумчи бўйича тез орада майдонга қайтиши ҳақидаги тахминлар бор, аммо бу ўйинда ҳам у қайдномадан жой олмайди.

Жезушнинг айтишича, жамоа тиғиз тақвим сабаб Роналдуни ва асосий таркибдаги яна бир қатор футболчиларни асрашга қарор қилган. Мураббий буни «Ал-Фатеҳ»га қарши муҳим учрашув олдидан зарур чоралар сифатида таъкидлади.

Шунингдек, у Роналдунинг дам олиши янгилик эмаслигини эслатди: португалиялик футболчи Саудия Арабистонидан ташқарида ўтадиган ўйинларда аввал ҳам бир неча бор иштирок этмаган. Мураббий сўзларини Al Nassr Zone келтирди.

Саудия чемпионатидаги «Ал-Фатеҳ» — «Ал-Наср» учрашуви шанба, 14-февраль куни бўлиб ўтади.