Анчелотти Роналдунинг машғулот ҳақидаги иборасини эслади
Бразилия терма жамоаси бошқарувида ишлаётган машҳур мураббий Карло Анчелотти Криштиану Роналду ҳақида фикр билдирди. Бу ҳақда euro-football.ru хабар беради.
Анчелоттининг айтишича, Роналду у ишлаган футболчилар орасида энг профессионал ўйинчилардан бири. Мураббий португалиялик юлдуз билан бўлган суҳбатдан бир жумлани ҳам ёдга олди: «Жуда кўп сув ўсимликни ўлдиради». Анчелотти фикрича, футбол катта жисмоний юклама талаб қилади, бироқ тикланиш жараёни ҳам шунчалик муҳим, акс ҳолда жароҳатлар кўпинча ортиқча зўриқишдан келиб чиқади.
41 ёшли Криштиану Роналду ҳозир Саудия Арабистонининг «Ал-Наср» клубида тўп сурмоқда. Унинг амалдаги шартномаси 2027 йил ўрталаригача мўлжалланган. Роналду фаолияти давомида беш бор «Олтин тўп» совринини қўлга киритган.