Лилл сафардa ютди, Нант эса керакли очколарни олди

Франция Лига 1 нинг 23-турида бир нечта учрашувлар якунланди ва турнинг дастлабки натижалари анча қизиқарли чиқди. Бу ҳақда euro-football.ru хабар беради.

Сафaрда "Анже"га қарши ўйинда "Лилл" узоқ давом этган ғалабасиз сериясига нуқта қўйди. Учрашувдаги ягона голни биринчи бўлим охирларида Оливье Жиру пеналтидан аниқ амалга оширди — 1:0.

"Нант" эса ўз майдонида "Гавр"ни 2:0 ҳисобида мағлуб этиб, мухлисларини хурсанд қилди. 3-дақиқада рақиб футболчисининг автоголи ҳисобни очган бўлса, 34-дақиқада Игнатиус Ганаго 11 метрлик зарбани голга айлантириб, якуний натижани белгилаб берди.

Турдаги энг драматик баҳслардан бири "Ницца" — "Лорьян" ўйинида кузатилди. Мезбонлар уч бор олдинга чиқди, бироқ 90-дақиқада ўтказиб юборилган гол сабаб ғалаба қўлдан чиқди — 3:3.