Эксперт «Наполи» топ-4дан тушиб қолишини истисно қилмади
А Сериянинг 26-турида «Наполи» сафарда «Аталанта»га қарши баҳсда 1:2 ҳисобида мағлуб бўлди. Учрашувдан сўнг жамоанинг кейинги тақдири борасида футбол эксперти Эдуард Мор ўз фикрлари билан ўртоқлашди. Бу ҳақда euro-football.ru хабар беради.
Мутахассиснинг таъкидлашича, неаполликлар таркибида жароҳатлар жуда кўпайиб кетган, заҳира ўйинчилари сони эса катта эмас. Мор буни «катастрофа» деб атаб, мавсум якунида айнан «Наполи» кучли тўртликдан ташқарида қолиб кетиши мумкинлигига ажабланмаслигини «Match TV» эфирида айтди.
Кеча бўлиб ўтган мағлубиятга қарамай, «Наполи» ҳозирча Италия чемпионати жадвалида 4-ўринда бормоқда. Антонио Конте шогирдлари 5-поғонадаги Турин «Ювентус»идан тўрт очко олдинда.