Алессандро Матри «Милан» охирги дақиқаларда шошилиб қолади деди

Италиянинг «Милан» клуби собиқ футболчиси Алессандро Матри жамоа муаммолари ҳақида фикр билдирди. Унинг айтишича, ўйин якунига яқинлашган сайин «Милан»да ортиқча шошилиш ва тартибсизлик кучаяди. Бу ҳақда euro-football.ru хабар беради.

Матри таъкидлашича, айнан шу ҳолат «Парма»га қарши учрашувда 80-дақиқада гол ўтказиб юборилгандан сўнг, вазиятни ўнглаш учун зарур босимни уюштиришга халақит берган.

«Милан»нинг асосий муаммоси — охирги дақиқалардаги шошилиш. Ўйинчилар машғулотларда ўрганганларини ҳам, режадаги ечимларни ҳам унутиб қўяди, дарвозага бориш йўллари йўқолади. Ҳаракатлар бетартиб ва шошқалоқ бўлиб қолади, хатолар кўпаяди. Бу, аввало, руҳий масала», — деди Матри pianetamilan.it нашрига.

Алессандро Матри 2019 йилда футболчилик фаолиятини якунлаган.