«Ал-Наср» бош мураббийи Роналдунинг нега ўйнамаслигини айтди

«Ал-Наср» бош мураббийи Жорже Жезуш Криштиану Роналдунинг яқинлашиб келаётган учрашувни ўтказиб юборишига сабаб бўлган қарорни изоҳлади. Бу ҳақда euro-football.ru хабар беради.

Ар-Риёд жамоаси чоршанба куни ОФК Чемпионлар лигаси доирасида «Аркадаг»га қарши майдонга тушади. Португалиялик юлдуз ҳужумчи бойкотдан сўнг тез орада сафга қайтиши кутилаётганди, бироқ бу ўйинда ҳам у рўйхатда бўлмайди.

Жезушнинг таъкидлашича, зич тақвим сабаб Роналду ва асосий таркибдаги яна бир қатор футболчиларга дам беришга қарор қилинган. Мураббий жамоани олдинда янада муҳим баҳс — «Ал-Фатеҳ»га қарши ўйин кутаётганини эслатди.

Шунингдек, Жезуш Роналдунинг Саудия Арабистонидан ташқарида ўтадиган ўйинларни вақти-вақти билан ўтказиб юбориши янгилик эмаслигини қўшимча қилди. Унинг сўзларини Al Nassr Zone келтирди.

Саудия чемпионатидаги «Ал-Фатеҳ» — «Ал-Наср» учрашуви шанба, 14 февраль куни бўлиб ўтади.