Слуцкийнинг «Шанхай»и Осиё Чемпионлар лигасида мағлуб бўлди
«Шанхай Шенхуа» Осиё Чемпионлар лигасида етти турдан сўнг плей-оффга чиқиш имкониятидан маҳрум бўлганди. 8-турда «Бурирам Юнайтед»га қарши баҳс Леонид Слуцкий жамоаси учун мусобақа билан хайрлашиш олдидан сўнгги уриниш эди, бироқ бу сафар ҳам «эшикни қарс» этиб ёпишнинг уддасидан чиқилмади. Бу ҳақда euro-football.ru хабар беради.
Учрашувда Таиланд клуби 2:0 ҳисобида зафар қучди. «Бурирам Юнайтед» биринчи бўлимнинг дастлабки дақиқаларида кетма-кет икки бор рақиб дарвозасини ишғол қилди, кейинроқ эса «Шанхай Шенхуа»нинг бир футболчиси четлатилиб, ўйиндаги интрига деярли сўнди.
Маълумот учун, Леонид Слуцкийнинг «Шанхай Шенхуа» билан амалдаги шартномаси 2027 йил охиригача мўлжалланган.