«Брентфорд» бош мураббий Эндрюс билан 2032 йилгача келишди
Англиянинг «Брентфорд» клуби расмий сайти орқали бош мураббий билан шартнома узайтирилганини маълум қилди. Кит Эндрюс янги келишувга имзо чекди ва битим 2032 йил ёзигача мўлжалланган. Бу ҳақда euro-football.ru хабар беради.
«Брентфорд» жорий мавсумни жуда яхши ўтказмоқда: жамоа ҳозир АПЛ турнир жадвалида 7-ўринда бормоқда. Эндрюс жамоани ўтган ёзда қабул қилиб олган, бунгача эса у Томас Франк штабида фаолият юритган.
Клубнинг АПЛдаги навбатдаги учрашуви шанба, 28-февраль куни бўлиб ўтади. «Брентфорд» сафарда «Бернли»га қарши майдонга тушади, ўйин 20:00 да (Тошкент вақти билан) бошланади.