Бундеслига гранди «Интер»дан Паварнинг трансферини кўриб чиқмоқда
Ҳимоячи Бенжамен Павар ёзги трансферлар даврида яна клубини ўзгартириши мумкин. Бу ҳақда euro-football.ru хабар беради.
Мавсум охиригача миланлик «Интер»дан «Марсел»га ижарага олинган франсуз футболчиси бўйича франсуз клуби 15 млн еврога тенг сотиб олиш бандини фаоллаштиришни режалаштирмоқда. Журналист Николо Скиранинг хабарига кўра, 29 ёшли футболчи бўйича яқинда Дортмунднинг «Боруссия»си сўров юборган, шунингдек, номи ошкор этилмаган Саудия клуби ҳам қизиқиш билдирмоқда. «Нерадзурри» раҳбарияти эса Павардан мавсум оралиғида даромад қилишни кўзламоқда.
Transfermarkt маълумотига кўра, Паварнинг бозор қиймати 20 млн еврога баҳоланмоқда. Унинг «Интер» билан амалдаги шартномаси 2028 йил ёзигача мўлжалланган.