Джикиянинг ўйин амалиёти йўқлиги жароҳат билан боғлиқ
«Анталяспор» ҳимоячиси Георгий Джикия нега сўнгги пайтлар майдонда кам кўрингани бўйича унинг Туркиядаги вакили Малик Арутюнов изоҳ берди. Агент футболчининг ўйин амалиёти етишмагани жароҳат оқибати эканини таъкидлади. Бу ҳақда euro-football.ru хабар беради.
Арутюновнинг айтишича, Джикия ҳозир тўлиқ тикланган ва жамоага келган янги бош мураббий ҳам унга ишонч билдирмоқда.
«Ўйлайманки, Джикия “Фенербахче”га қарши учрашувда асосий таркибда майдонга тушади. Клубда аллақачон учинчи мураббий ишлаяпти, ҳар бирининг ўз қараши бор. Унинг ўйнамагани жароҳат билан боғлиқ эди», — дея агент сўзларини “Чемпионат” нашри келтиради.
2025/2026 йилги мавсумда россиялик футболчи Туркия чемпионати ва Кубогида жами 13 та ўйинда қатнашиб, 2 та гол урган.