Душан Влаховичнинг асосий мақсади «Барселона»га ўтиш
Душан Влаховичнинг келажаги борасида ҳозирча жиддий янгилик йўқ. Transfer News Live TEAMtalk манбасига таяниб хабар беришича, 26 ёшли сербиялик ҳужумчининг энг устувор варианти — «Барселона»га кўчиб ўтиш. Бу ҳақда euro-football.ru хабар беради.
Манбага кўра, Влаховичнинг «Ювентус» билан янги шартнома бўйича музокаралари бир неча бор боши берк кўчага кириб қолган. Шунга қарамай, футболчи ва унинг агенти клуб билан ижобий муносабатларни сақлаб турибди.
Қайд этилишича, «Барселона» Влаховични келаси ёзда эркин агент сифатида таркибига қўшиб олиши мумкин.
Влахович «Ювентус» сафида жами 162 та расмий учрашувда майдонга тушиб, 64 та гол ва 16 та голли узатмага муаллифлик қилган.