Гʻаллардо кўз ёш билан хайрлашди: «Ривер» абадий тарк этилмайди

Марсело Гʻаллардо мураббий сифатида сўнгги ўйинини «Банфилд»га қарши учрашувда ўтказди. «Ривер Плейт» бу баҳсда 3:1 ҳисобида зафар қучиб, кетма-кет учта мағлубиятдан иборат омадсиз сериясига нуқта қўйди. Бу ҳақда euro-football.ru хабар беради.

Айнан ўша ёмон натижалар Гʻаллардонинг лавозимини сақлаб қолишига тўсқинлик қилди, бироқ клуб унга чиройли тарзда хайрлашиш имконини берди. У эса ўйиндан кейинги лаҳзаларда буни жуда ҳиссиётли тарзда намоён этди.

«Шунчаки барчангизга раҳмат. Сизларнинг меҳрингизни сўз билан тўлиқ ифодалаш қийин. Мен бутунлай кетмайапман. «Ривер»дан ҳеч ким абадий кетмайди. Бу — сеҳрли маскан: кетсанг ҳам, барибир клуб билан қоласан», — деди Гʻаллардо кўз ёшларини яширмай.

Эслатиб ўтамиз, Гʻаллардо 1990-йилларда «Ривер Плейт» сафида ҳам, Аргентина терма жамоасида ҳам футболчи сифатида тўп сурган.