Месси Марадона билан илк учрашувини эслади ва тафсилот берди

Аргентина ҳужумчиси Лионел Месси аргентиналик футбол афсонаси Диего Армандо Марадона билан илк бор қачон ва қандай танишганини сўзлаб берди. Бу ҳақда euro-football.ru хабар беради.

Мессининг айтишича, у Марадона ташаббуси билан телевидениедаги «La noche del 10» дастурига таклиф этилган ва айнан шу кўрсатув давомида улар илк марта юзма-юз учрашган.

«Таклифни олдим ва, албатта, рад эта олмадим — бордим. У ерда отам, амаким ва амакиваччаларим ҳам бор эди. Улар ҳам Марадона билан танишишди. Бу унутилмас лаҳза бўлган», — дея Мессининг сўзларини derbyderbyderby.it келтиради.

Эслатиб ўтамиз, Марадона 2020 йил ноябрида вафот этган.