Слуцкий бошқарувидаги «Шанхай Шенхуа» «Бурирам»га ютқазди

«Шанхай Шенхуа» Осиё Чемпионлар лигасида етти турдан кейин плей-оффга чиқиш имкониятини бой берганди. 8-турда «Бурирам Юнайтед»га қарши баҳс Леонид Слуцкий жамоаси учун турнир билан хайрлашиш олдидан сўнгги уриниш бўлди, аммо бу сафар ҳам натижа чиқмади. Бу ҳақда euro-football.ru хабар беради.

Таиланд клуби 2:0 ҳисобида ғалаба қозонди. Учрашувнинг дастлабки бўлимидаёқ «Бурирам Юнайтед» икки бор рақиб дарвозасини ишғол қилди: 11-дақиқада Гуд Кертис, 22-дақиқада эса Суфанат Муеанта гол муаллифига айланди. Тез орада «Шанхай Шенхуа» бир футболчиси майдонднан четлатилиб, камчиликда қолганидан кейин ўйиндаги интрига деярли йўқолди.

Қайд этилишича, Леонид Слуцкийнинг «Шанхай Шенхуа» билан амалдаги шартномаси 2027 йил охиригача мўлжалланган.