Каррик МЮ ўйинини баҳолади: мукаммаллик бўлмайди
"Манчестер Юнайтед" бош мураббийи Майкл Каррик жамоанинг ҳозирги ўйини ва натижаларидан қай даражада қониқаётганини айтиб ўтди. Бу ҳақда euro-football.ru хабар беради.
Январда ишдан олинган Рубен Аморим ўрнини эгаллаган инглиз мутахассиси қўл остида "қизил иблислар" олти учрашувнинг бештасида ғалаба қозонди.
"Кристал Пэлас"га қарши баҳс арафасида журналистлар Каррикдан жамоа ўйини унинг кутганига тўлиқ мос келаётган-келмаётганини сўради.
"Ҳеч қачон ҳаммаси идеал бўлмайди — ҳар доим янада яхшироқ бўлишини истайсан. Баъзан режалар аъло ишлайди, баъзан эса унчалик эмас. Айрим деталлар бўйича ҳаддан ташқари талабчан бўлиш керак эмас. Биз учун олдинга қадам ташлаш ва умумий манзарани кўриш муҳим. Ўйлайманки, вазиятимиз яхши, сезиларли ўсиш бор, лекин ишлашимиз керак бўлган жиҳатлар ҳам етарли", — деди Каррик матбуот анжуманида.
"МЮ" бугунги учрашувда ғалаба қозонса, АПЛ турнир жадвалида учинчи ўринга кўтарилади.