Месси Марадона билан илк учрашуви ҳақида гапирди
Аргентина ҳужумчиси Лионел Месси аргентиналик футбол афсонаси Диего Армандо Марадона билан илк бор қандай танишгани ҳақида хотиралари билан ўртоқлашди. Унинг айтишича, бу учрашув телевидениедаги «La noche del 10» дастури вақтида бўлиб ўтган ва Мессини студияга айнан Марадонанинг ўзи таклиф қилган. Бу ҳақда euro-football.ru хабар беради.
Мессининг сўзларига кўра, у таклифни олгач, албатта, рад эта олмаган ва дастурга оиласи билан бирга борган. Студияда унинг отаси, амакиси ҳамда жиянлари ҳам бўлган ва уларнинг барчаси Марадона билан юзма-юз танишиш имконига эга бўлган. Месси бу лаҳзани унутилмас воқеа сифатида эслаб ўтган, деб ёзади derbyderbyderby.it.
Эслатиб ўтамиз, Диего Марадона 2020 йил ноябрь ойида вафот этган.