Роналду келажагини ҳал қилди ва «Ал-Наср»да қолади

Криштиану Роналду яқинда «Ал-Наср»нинг бир нечта учрашувларида майдонга тушмай, клуб бошқарувидаги айрим қарорлардан норозилигини намоён қилганди. Шу фон’да португалиялик юлдуз ёзда Саудия Арабистонини тарк этиши мумкинлиги ҳақида гап-сўзлар ҳам кучайди. Бу ҳақда euro-football.ru хабар беради.

365Scores хабарига кўра, Роналду барибир «Ал-Наср»да шартномаси якунга қадар қолишга қарор қилган. Маълумотларга кўра, у 2027 йил ўрталаригача клубда бўлиши, бунинг эвазига эса Саудия инвестиция жамғармаси вакилларидан топ даражадаги футболчиларни олиб келиш бўйича кафолат олган.

Ҳозир «Ал-Наср» Саудия Про-лигаси турнир жадвалида пешқадам. Иккинчи ўриндаги «Ал-Аҳли» ундан икки очко, учинчи «Ал-Ҳилол» эса уч очко ортда бормоқда.