Моҳсен Ризоий: урушни тугатиш учун икки шарт
Эрон Ислом инқилоби қўриқчилари корпусининг юқори лавозимли офицери Моҳсен Ризоий урушни тўхтатиш масаласи бўйича Эроннинг асосий талабларини баён қилди.
Унинг таъкидлашича, урушнинг қандай якун топиши кўп жиҳатдан Эрон позициясига боғлиқ. Шунинг учун ҳарбий тўқнашувни тугатиш ҳақидаги масала фақат муайян шартлар бажарилган тақдирдагина муҳокама қилиниши мумкин.
Ризоийнинг сўзларига кўра, биринчи навбатда Қўшма Штатлар Эронга етказилган барча зарар учун тўлиқ товон тўлаши керак. Шундан кейингина урушни тўхтатиш ҳақида гап бўлиши мумкин.
Иккинчи муҳим талаб сифатида у келажак учун ишончли кафолат берилиши зарурлигини айтди. Яъни, АҚШ ўз ҳарбий кучларини Форс кўрфази ҳудудидан бутунлай олиб чиқиши лозим.
Эрон ва Америка ўртасидаги кескинлик фонида айтилган бу баёнот минтақадаги вазият янада жиддий тус олиши мумкинлигини кўрсатмоқда.