Кекса аёлни қўрқитган робот полиция томонидан "қўлга олинди" (видео)

Хитойнинг Макао шаҳрида ғайриоддий ва ҳайратланарли ҳодиса рўй берди: етмиш ёшли аёл кўчада телефон экранига қараб кетар экан, ортидан келаётган Unitree G1 одамсимон роботини кўриб қаттиқ қўрқиб кетди.

Ижтимоий тармоқларда тарқалган видеода аёл роботга қараб ёзув билан гапираётгани, шунингдек, ҳодиса жойига чақирилган полиция ходимлари томонидан роботнинг олиб кетилаётгани акс этган.

Маълум бўлишича, робот Макаодаги таълим марказига тегишли бўлиб, унинг вазифаси ҳудуддаги реклама ва маркетинг акцияларида иштирок этишдан иборат эди. Марказ вакили Товин Макнинг маълум қилишича, аёл йўлда тўхлаб қолгани учун робот унинг ёнидан айланиб ўта олмаган ва йўл бўшашини сабр билан кутган.

Ҳодиса натижасида аёл кучли стрессга тушиб, ўзини ёмон ҳис қилгани туфайли полиция ходимлари уни шифохонага олиб борган. Ушбу воқеа интернетда кўпчиликни ҳайратга солди ва одамсимон роботлар ҳаётимизга янада яқинлашиб бораётганини кўрсатди.