Зебо Раҳимова: “Ракета овози, портлаш… Умид Эшонқуловнинг аҳволи ёмонлашган ”

Машҳур вайнер,блогер,актриса Зебо Раҳимова яқинда ижтимоий тармоқларда партнёри Умид Эшонқуловнинг руҳий ҳолати ҳақида самимий фикрларини бўлишди. Хонанда айтишича, Дубайда қолган даврида юз берган уруш таҳдиди ва портлашлар овози Умиднинг кайфиятига кучли таъсир қилган.

“Силага билдирмасликка ҳаракат қилдим… Бўлмади. Оҳири этишга қарор қилдим. Чунки ҳозир дуойила кере. Аллоҳ дуоларимиз ижобатини қайси бандаси дуосига яширганини билмиман. Шунга ҳаммала дуо қилила. Кимнидир дуоси шифо бўлади, Ин шаа Аллаҳ,” – деди Зебо Раҳимова.

Хонанда сўзларига кўра, Дубайдаги биринчи куни ракета хавфи ҳақидаги хабарнинг овозини эшитганларидан кейин Умид бир қадам ҳам юра олмаган, иккинчи куни портлаш, учинчи куни эса яқин масофадан ракета учиб ўтган овози уларнинг қўрқувини оширган. Натижада Умид Эшонқулов беш кун давомида балнитсада даволанган,аҳволи оғирлашиб қолганини таъкидлаб ўтди.

Зебо Раҳимова бу воқеани очиқ айтиб, мухлисларини Умид ва ўзи учун дуо қилишга чақирди. Унинг самимий изоҳи мухлислар орасида катта таъсир қилди ва кўпчилик уларга тезда соғайиш ва сабр тиламоқда.