Гвардиола Холанд жароҳати ҳақида ҳазил аралаш кулиб жавоб берди

Англия Премьер-лигасидаги навбатдаги турдан кейин «Манчестер Сити» бош мураббийи Хосеп Гвардиола журналистлар саволларига жавоб берар экан, жамоа ҳужумчиси Эрлинг Холанд ҳақида қизиқарли ва ҳазиломуз изоҳ берди.

Маълумки, Англия чемпионатининг 30-турида «шаҳарликлар» меҳмонда «Вест Ҳэм»га қарши баҳс юритди. Қизиқарли ва кескин кечган учрашув 1:1 ҳисобида дуранг билан якунланди. Мазкур ўйиннинг сўнгги дақиқаларида норвегиялик ҳужумчи Эрлинг Холанд майдонда ноқулай ҳолатга тушиб қолди.

Маълум бўлишича, футболчи чов қисмида — яъни қорин ва сонлар орасидаги жойда ноқулайлик ҳис қилган. Шу сабабли учрашувдан кейин журналистлар бу ҳолат бўйича Хосеп Гвардиоладан изоҳ сўрашди.

Каталониялик мутахассис эса вазиятни жиддий тарзда эмас, юмор билан қабул қилди. У саволга жавоб берар экан, кулиб қуйидагича деди:

— «Умид қиламанки, бугун кечқурун унинг рафиқаси мамнун бўлади», — деди Гвардиола ҳазил аралаш.

Бу жавоб матбуот анжуманидаги журналистлар орасида кулгуга сабаб бўлди. Шу билан бирга, мураббий бу ҳолат жиддий жароҳат эмаслигига ишора қилди.

Айни пайтда «Манчестер Сити» мухлислари жамоанинг асосий тўпурарларидан бири бўлган Эрлинг Холанд тез орада тўлиқ соғаяди ва келаси ўйинларда майдонга қайтишига умид билдирмоқда. Норвегиялик ҳужумчи бу мавсум ҳам «шаҳарликлар»нинг энг муҳим футболчиларидан бири сифатида жамоа натижаларига катта ҳисса қўшмоқда.