MMA жангчиси Шаҳзод Gold 3,5 йил қамалди

Тошкентда кассация инстансияси суди ижтимоий тармоқларда Gold номи билан машҳур MMA жангчиси Шаҳзод Узоқовга нисбатан тайинланган жазони ўзгартирди. Суд қарор қилинишича, аввалги озодликни чеклаш жазоси 3,5 йиллик озодликдан маҳрум қилиш жазосига айлантирилди.

Маълум қилинишича, 2025 йил 7 ноябрь куни Олмазор тумани суди Шаҳзод Узоқов ва Н. Қулдошевни безориликда айбдор деб топган ва уларга 3,5–4 йиллик озодликни чеклаш жазосини тайинлаган эди. Терговда аниқланишича, жанжал йўл талашишдан келиб чиққан ва улар жабрланган фуқарога нисбатан куч қўллаган, яна бир шахсни уриб тан жароҳати етказган ҳамда воқеа жойидан яширинган. Шу вақтда жабрланувчининг қимматбаҳо телефони ҳам шикастланган.

Кассация инстанцияси судлов ҳайъати жиноят квалификациясини тўғри деб топган, аммо тайинланган жазо турига рози бўлмаган. Судланувчиларнинг аввал ҳам шундай турдаги жиноятлар учун жавобгар экани ва улар профессионал MMA спортчилари экани инобатга олинган. Суд уларнинг жисмоний устунлиги ва масъулияти юқори бўлиши кераклигини алоҳида таъкидлади.

Шу асосда биринчи инстансия ҳукми бекор қилинди ва ҳар икки шахсга нисбатан 3,5 йиллик озодликдан маҳрум қилиш жазоси тайинланди. Улар суд залидан қамоққа олинди. Суд аввал ўтган муддатларни янги жазодан чегириб ташлашни ҳам белгилади.

Суд баёноти якуний хулоса эмас; томонлар белгиланган тартибда шикоят киритиш ҳуқуқига эга.