Сибирда қорамоллар оммавий сўйилмоқда
0
Новосибирск вилояти ҳокимияти пастереллёзга қарши кураш чоралари доирасида қорамолларни олиб қўйиш жараёни якунланиш арафасида эканини маълум қилди. Ҳозирги пайтда ҳудудда фақат битта йирик хўжалик қолаётгани қайд этилмоқда.
Маҳаллий аҳоли ҳудудга полиция ва автозаклар жалб қилинганини хабар қилмоқда. Фермерлар эса ҳайвонлар соғломлигини таъкидлаб, таҳлил натижалари тақдим қилинмаганини айтишмоқда.
Мутахассислар эса бу ҳолат ортида яна бир хавфли касаллик — яшчур бўлиши мумкинлигини тахмин қилмоқда. Бу эса аҳоли ва фермерлар учун қўшимча хавотир туғдирмоқда.
Ҳодисанинг ривожи ва таҳлил натижалари эса кузатувчилар ва маҳаллий аҳоли томонидан диққат билан кузатилмоқда.