Эрон: АҚШ дипломатиясига ишонч йўқолди — расмий баёнот

Исмоил Бағоий — Эрон Ташқи ишлар вазирлиги матбуот котиби — АҚШ билан дипломатик муносабатлар бўйича кескин фикрлар билдирди.

Унинг таъкидлашича, АҚШ билан мулоқот жараёнида Эрон бир неча бор салбий тажрибага дуч келган. Хусусан, ядро масаласи юзасидан музокаралар давом этаётган пайтда мамлакат икки марта ҳужумга учраган.

“Биз АҚШ дипломатияси билан жуда оғир ва аччиқ тажрибага эгамиз. Музокаралар жараёни авжига чиққан бир пайтда, тўққиз ой ичида икки марта зарбага учрадик. Бу — дипломатияга нисбатан ишончсизлик ва хиёнатнинг яққол кўриниши”, — дея таъкидлади у.

Расмий вакилнинг сўзларига кўра, бу ҳолат Эрон жамоатчилиги орасида кенг муҳокама қилинаётган масалага айланган. Айниқса, бундай воқеалар бир эмас, икки марта такрорлангани ишончнинг кескин сусайишига сабаб бўлган.

“Шу боис, бугунги кунда деярли ҳеч ким АҚШ дипломатиясига тўлиқ ишонч билдирмайди”, — дея фикрини якунлади Бағоий.