Америка сунъий интеллект бозорида катта иқтисодий таҳдид юзага келди

Америка Қўшма Штатларида сунъий интеллект (СИ) соҳаси қисқа вақт ичида иқтисодий инқироз хавфи билан юзма-юз келмоқда. Бу борада америкалик сиёсатшунос Малек Дудаков диққат марказига олиб чиқди, деб хабар берди EADaily нашри.

ChatGPT яратувчиси OpenAI компанияси ҳар чоракда тахминан 12 миллиард доллар йўқотмоқда. Вазиятни барқарор сақлаш мақсадида стартап инвесторларга 17,5% фоиз ваъда қилмоқда, аммо бу хавфни қабул қилишни хоҳловчи томонлар сони кундан кунга камаймоқда.

Эксперт фикрига кўра, OpenAI’нинг энг муҳим ҳамкори — Oracle ҳам қарз инқирозига тушиб қолгани боис, компаниянинг иқтисодий қулаши бутун сунъий интеллект бозори учун катта таҳдидни яратади. Бу ҳолат бутун бозорни ўз ортига олиб кетиши мумкин.

Мутахассислар таҳлилларига кўра, сунъий интеллект соҳасидаги "пуфак"нинг ёпилиши АҚШ иқтисодиётини 2027 йилга келиб чуқур рецессияга олиб келиши эҳтимоли юқори. Уолл-стрит аллақачон ишсизликнинг 5 фоиз ва ундан юқорига кўтарилишини, энергия танқислиги туфайли инфляциянинг ошишини кутиб турибди.

Агар сунъий интеллект АҚШ иқтисодиётининг ягона ўсиш драйвери сифатида ҳам қуласа, бу натижалар нафақат мамлакат иқтисодиётига, балки глобал молиявий бозорларга ҳам сезиларли таъсир кўрсатади. Бу эса барча жаҳон иқтисодиёти учун жиддий таҳдиддир.