Шоҳруҳхон Асал Шодиевага хиёнат қилганми?

Машҳур хонанда Шоҳруҳхон ўз концерт дастури давомида мухлисларини нафақат қўшиқлари, балки самимий ва ҳазиломуз чиқишлари билан ҳам хушнуд этди. Саҳнада у шахсий ҳаётига оид айрим гапларни очиқлаб, мухлислар эътиборини тортди.

Хонанда ўз сўзида биринчи муҳаббати ҳақида кулгили тарзда эслаб ўтди. Унинг айтишича, у илк бор биринчи синфда ўқиб юрганида севиб қолган, ўша пайтда эса унинг ёқтирган инсони 11 синфда таҳсил олаётган бўлган.

Шоҳруҳхон бу воқеани давом эттириб, ҳозирги ёшини ҳам тилга олди ва ўша инсон бугунги кунда анча катта ёшда бўлишини ҳазил билан таъкидлади. Шундан сўнг у турмуш ўртоғи, актриса Асал Шодиеванинг 1992 йилда туғилганини эслатиб, “энди мен кимга хиёнат қилган бўламан?” дея кулгили савол ташлади.

Хонанда, шунингдек, мухлисларга ҳазил аралаш маслаҳат ҳам берди: “Ҳеч кимга биринчи муҳаббатингизни айтманглар, айниқса турмуш ўртоқларингизга”, — дея концертни кулгили руҳда давом эттирди.