"Сити"да Англия кубоги 1/4 финалида "Ливерпул"га қарши кимлар ўйнайди?
Карабао кубоги финалидаги ғалаба ва жорий мавсумдаги сўнгги халқаро танаффусдан сўнг “Манчестер Сити” Англия кубоги чорак финалида асосий рақибларидан бири – “Ливерпуль”га қарши майдонга тушади.
“Сити” фаолиятини диққат билан ёритиб келаётган cityxtra.co.uk сайти эксперти Жош Уэбб Хосеп Гвардиола 4 апрелга белгиланган учрашувда қайси футболчилардан фойдаланишини таҳлил қилди. Эксперт фикрига кўра, “шаҳарликлар” Англия кубоги чорак финалида “Этиҳад”да бўладиган ўйинда қуйидаги таркибни майдонга туширади.
Жеймс Траффорд – Англия терма жамоасида дебют қилган дарвозабон, Карабао финалидаги кетма-кет сейвлари билан “Сити”нинг дарвозасини таъминлаши мумкин. У кубок учрашувларидаги самарадорлигини янада оширишни мақсад қилган.
Матеуш Нуньеш – асосий таркибдаги муҳим қанот ҳимоячиси сифатида ажойиб ўйинлар кўрсатди. Рақибнинг кучини ҳисобга олганда, у хавфсиз ва самарали вариант бўлиб қолмоқда.
Абдуқодир Ҳусанов – бу мавсумда икки марта жамоанинг “ой футболчиси” бўлган, тезлиги ва куч-қуввати билан “Ливерпуль”нинг ҳар қандай ҳимояга муаммо туғдиришга қодир ҳужумчиларига қарши идеал жавоб бўлиши аниқ.
Натан Аке – Карабао кубоги финалида ажойиб ўйин кўрсатган, энг муҳим учрашувларда ҳам юқори даражада ҳаракатлана олади.
Райан Айт-Нури – захирада қолган бўлса-да, ҳозирги формаси асосий таркиб учун яхши номзод ва тезлиги билан рақиб ҳимоясини бузишга қодир.
Нико Гонсалес – мавсум бошида ажойиб ўйин кўрсатди, агар Родри ёзда клубни тарк этса, у “Сити”нинг асосий таянч ярим ҳимоячиси сифатида ўзини намоён этиши мумкин.
Нико О'Райли ва Бернарду Силва – кўплаб муҳим тўқнашувларда ҳал қилувчи роль ўйнади. Кубокда ярим ҳимояни самарали бошқариш учун энг муносиб номзодлар сифатида қаралмоқда.
Савио – танқидга учраган бўлса-да, сўнгги ўйинларда ўз салоҳиятини намоён қилди ва Англия кубоги бешинчи босқичида янада катта таъсир кўрсатиши мумкин.
Умар Мармуш – захира ўйинчиси сифатида чекланган, аммо кубокда асосий таркибда иштирок этиш имкониятига эга.
Жереми Доку – мавсум бошида жароҳатдан кейин ҳам “Ливерпуль”га қарши ўйинда асосий таркиб учун муносиб номзод.
Асосий таркиб: Траффорд; Нуньеш, Ҳусанов, Аке, Айт-Нури; Нико, О'Райли, Бернарду; Савио, Мармуш, Доку.
Захира: Доннарумма, Диаш, Гехи, Родри, Рейндерс, Фоден, Семеньо, Шерки, Холанд.
Мухлислар учун энг қизиғи шундаки, бу ўйинда Гвардиола жамоаси янги стратегия ва тактик комбинацияларини синаб кўради. Ҳар бир футболчи ўзини исботлаши керак бўлади, чунки охирги ўйинларда голлар кўпинча бошқа позициялардан киритилмоқда ва Англия кубогида ғалаба учун ҳар бир ҳаракат муҳим аҳамиятга эга.