Бугун ҳарорат пасаяди, айрим ҳудудларда ёмғир ёғиши мумкин

Ўзгидромет 3 апрель куни кузатиладиган об-ҳаво ҳолати бўйича маълумот берди.

Тошкент шаҳрида ҳаво ўзгаради, ёғингарчилик эҳтимоли йўқ. Шамол шарқ томондан 3–8 м/с тезликда эсади. Ҳарорат кечаси 15–17 даража, кундузи 22–24 даража атрофида бўлади.

Қорақалпоғистон Республикаси ва Хоразм вилоятида ҳаво ўзгарувчан бўлади, айрим нуқталарда қисқа муддатли ёмғир ёғиши мумкин. Шамол шарқдан 7–12 м/с тезликда эсади. Ҳарорат кечаси 8–13 даража, кундузи 16–21 даражагача кўтарилади.

Бухоро ва Навоийда ҳам ҳаво ўзгарувчан бўлиб, айрим жойларда қисқа ёмғир ёғиши эҳтимоли бор, момақалдироқ ҳам кузатилиши мумкин. Шамол шарқдан 7–12 м/с тезликда эсади. Ҳарорат кечаси 10–15, кундузи 15–20 даража атрофида бўлади.

Тошкент ва Сирдарёда ҳаво нозик ўзгаради, ёғингарчилик кузатилмайди. Шамол шарқдан 7–12 м/с тезликда эсади. Ҳарорат кечаси 12–17, кундузи 19–24 даражагача бўлади.

Жиззах ва Самарқандда ҳаво ўзгарувчан, айрим нуқталарда қисқа муддатли ёмғир юзага келиши мумкин, момақалдироқ ҳам кузатилиши эҳтимолдан ҳоли эмас. Шамол шарқдан 7–12 м/с тезликда эсади. Ҳарорат кечаси 12–17, кундузи 19–24 даража атрофида бўлади.

Қашқадарё ва Сурхондарёда ҳаво ўзгарувчан бўлиб, айрим жойларда қисқа ёмғир юзага келиши мумкин, момақалдироқ ҳам кузатилиши эҳтимоли бор. Шамол шарқдан 9–14 м/с тезликда эсади. Ҳарорат кечаси 12–17, кундузи 15–20 даража бўлади.

Андижон, Наманган ва Фарғонада ҳаво нозик ўзгаради, ёғингарчилик эҳтимоли йўқ. Шамол шарқдан 7–12 м/с тезликда эсади. Ҳарорат кечаси 12–17, кундузи 20–25 даража атрофида бўлади.

Тоғолди ва тоғли ҳудудларда ҳаво ўзгарувчан бўлади, баъзи жойларда ёмғир ёғиши, момақалдироқ пайтлар юзага келиши мумкин. Сел-сув тошқинлари эҳтимоли ҳам бор. Шамол шарқдан 7–12 м/с, ҳарорат кечаси 5–10, кундузи 10–15 даража атрофида бўлиши кутилмоқда.