Qashqadaryo viloyatining Kitob tumani asosan tog‘li hududlardan iborat. Bu yerdagi sersuv daryolar nafaqat tabiatning bebaho ne’mati, balki qurilish sohasi uchun muhim xomashyo – qum-shag‘al manbai ham hisoblanadi. Bugun yurtimizda qurilishlar ko‘lami kengayib, shahar va qishloqlar qiyofasi tobora zamonaviy tus olmoqda. Tabiiyki, bu jarayon qum-shag‘al mahsulotlariga bo‘lgan talabni ham keskin oshirmoqda.
