Бернарду Силва «Ювентус»га ўтиши мумкин: 3 йиллик битим таклиф қилинди
«Манчестер Сити» яримҳимоячиси Бернарду Силва мавсум якуни билан жамоани тарк этади, бу ҳақда Италиянинг La Gazzetta dello Sport нашри хабар берди. Маълумотларга кўра, португалиялик 32 ёшли футболчи учун асосий даъвогар «Ювентус» клуби ҳисобланади.
Турин клуби вакиллари футболчининг агенти Жорже Мендеш билан музокаралар олиб боришган ва унга 3 йиллик шартнома таклиф қилишган. Мазкур келишув яна бир йилга узайтирилиши ҳам мумкин. Италия клуби Бернарду Силвага йилига 7-8 миллион евро маош, шунингдек, бонуслар ҳам беришни маълум қилишган.
Силва ҳозирда аниқ қарорга келмаган ва унинг келажаги ҳақидаги энг сўнгги хабарлар футбол оламида кузатилмоқда.