Маскнинг отаси шов-шувли баёнот берди: Эпштейн тирикми?

Эррол Маск — америкалик тадбиркор Илон Маскнинг отаси — РИА Новости нашрига берган интервюсида, унинг фикрича, молиячи Жеффри Эпштейн ҳанузгача тирик эканини маълум қилди.

“У аниқ тирик. Эпштейн ўлмаган. Бунда ҳеч қандай шубҳа йўқ. Мен шуни назарда тутяпманки, у ўлган бўлиши эҳтимоли ҳатто жуда ҳам паст даражада ҳам йўқ”, — деди Маск.

У, шунингдек, Эпштейннинг ўлими бўйича расмий маълумотларни шубҳа остига олиб, унинг жасади топилган вазиятларга эътибор қаратди. Маскнинг сўзларига кўра, ҳодиса содир бўлган пайтда кузатув камералари ўчирилган, қамоқхона қўриқчилари эса ухлаётган бўлган.

АҚШ Адлия вазирлиги маълумотларига кўра, Эпштейн сақланган қамоқхонадаги кузатув камераси ёзувида 23:58:58 дан 00:00:00 гача бўлган 62 сониялик вақт оралиғи мавжуд эмас. Бу ҳолат эски видеокузатув тизимининг ҳар куни автоматик равишда қайта ишга туширилиши билан изоҳланган.

2019 йилда АҚШда Эпштейнга вояга етмаганларни жинсий эксплуатация мақсадида савдога қўйиш ҳамда бундай фаолиятга жалб қилиш учун тил бириктириш айбловлари қўйилган эди. Ўша йилнинг июль ойи охирида у вафот этди. Ўтказилган тергов якунларига кўра, АҚШ расмийлари Эпштейн ўз жонига қасд қилган деган хулосага келган.