Муножат Алимбоевага турмуш ўртоғи қимматбаҳо автомобиль совға қилди

Актриса Муножат Алимбоева ижтимоий тармоқларда қувончли воқеани мухлислари билан бўлишди. У турмуш ўртоғи томонидан тайёрланган кутилмаган совға — қимматбаҳо автомобилни катта ҳаяжон билан қабул қилди.

Актриса видеога изоҳ сифатида: “Шаҳризода қизимиз туғилган кунига сюрприз бўлди. Орзулар амалга ошади”, — дея ёзган. Совға топширилиш жараёнида Муножатнинг кўзлари боғланган ҳолда олиб келиниб, “Аёлимга” деб ёзилган янги автомобиль тақдим этилган.

Кутилмаган совғадан ҳайратланган актриса ўз ҳиссиётларини яшира олмади ва қувончдан кўз ёш тўкди. У ушбу эътибор ва меҳр учун турмуш ўртоғига миннатдорлик билдириб, бу лаҳзалар унинг ҳаётидаги энг унутилмас онлардан бири бўлганини таъкидлади.