Туркияда машҳур актёр қўлга олинди

Ўнлаб рейтингли сериалларда суратга тушган ва "Тун маликаси" филми билан машҳур бўлган турк актёри Бурак Дениз полициянинг гиёҳвандликка қарши операцияси доирасида Истанбулда қўлга олинди. Бу ҳақда TASS хабар берди.

Қамоққа олиш тўғрисида прокуратура қарори мавжуд бўлган 14 кишидан 11 нафари қўлга олинди. Улар орасида Норм Эндер тахаллуси билан танилган репер Эндер Эрўғли ҳам бор.

Сешанба куни тўққиз нафар шоу-бизнес ва кино намояндаси, жумладан, "Сен туғилган уй - сенинг тақдиринг," "Қуш парвози" сериаллари билан танилган актёр Иброҳим Челикол ва машҳур поп ижрочилари Бенгю, Симге Сағин, Мелек Моссо ҳибсга олингани ҳақида хабар берилган эди. Улар гиёҳванд моддаларни истеъмол қилиш, сақлаш ва тарқатишда гумон қилинмоқда.

Туркияда, асосан Истанбулда, сўнгги бир неча ой ичида гиёҳвандликка қарши йирик операциялар мунтазам равишда ўтказилмоқда. Аввалроқ бир неча ўнлаб одамлар, жумладан, таниқли актёрлар, тележурналистлар ва блогерлар ҳибсга олингани ҳақида хабар берилган эди.