Неймар 2026 йилги Жаҳон чемпионатида захирадан майдонга тушишга тайёр
"Манчестер Юнайтед" ярим ҳимоячиси Каземиро Неймар Бразилиянинг 2026 йилги Жаҳон чемпионати қайдномасига киритилишини қўллаб-қувватлади. Унинг фикрича, ҳужумчи кубокни ютиш учун асосий таркибдаги ўрнидан воз кечишга тайёр. Бу ҳақда Goal.com хабар беради.
Доимий жароҳатлар Неймарга 2023 йилдан бери миллий жамоада ўйнашга тўсқинлик қилмоқда. Карло Анчелотти 34 ёшли футболчини ёзги мусобақа қайдномасига киритишни истисно этмади.
Узоқ танаффус туфайли ҳужумчи асосий таркибга киритилмаслиги мумкин.
Каземиро ESPN телеканалига берган интервьюсида Неймар ҳеч қачон жамоада асосий юлдуз бўлишга интилмаганини таъкидлади. Унинг сўзларига кўра, агар Анчелотти захира ролини таклиф қилса, Неймар буни қабул қилади.
Бразилия терма жамоасини бошқариши кутилаётган Анчелотти юлдуз футболчилар билан ишлашда катта тажрибага эга. Каземиро италиялик мутахассис Неймарнинг ҳолатини тўғри баҳолай олишига ишонч билдирди.
Ҳозирда "Сантос" сафида ҳаракат қилаётган Неймар ўзининг жисмоний ҳолатини тиклашга уринмоқда. Каземиро Неймарнинг иқтидори шубҳасиз эканлигини, аммо унинг Жаҳон чемпионатидаги иштироки фақат жисмоний тайёргарлигига боғлиқлигини қўшимча қилди.