Փաշինյանին ներկայացվել է քրեակատարողական նոր հիմնարկի նախագիծը
Կառավարությունից հայտնում են, որ արդարադատության նախարար Կարեն Անդրեասյանը եւ փոխնախարար Արփինե Սարգսյանը մանրամասներ են ներկայացրել առաջարկվող մոդելի վերաբերյալ եւ նշել, որ այն մշակվել է միջազգային առաջադեմ փորձի եւ չափանիշների ուսումնասիրության հիման վրա՝ մարդու իրավունքների պաշտպանության առաջնահերթությունից ելնելով:
Խորհրդակցության ժամանակ անդրադարձ է եղել առաջարկվող կառուցվածքային լուծումներին, աշխատանքային, շենքային ու կենցաղային պայմաններին, նախագծի ֆինանսական գնահատականին։