«Әни белән ул – иң матур дуэтларның берседер бу!»
Социаль челтәрдә башкорт җырчысы Ян Лираның матур видеолары бик күп. Ул үзенең һәм Татарстан белән Башкортстан җырчыларының да җырларын башкарганын видеога төшереп, социаль челтәрдәге сәхифәсендә күрсәтә. Җыр «хуҗалары» да аның башкаруын уңай бәяли.
«Минем терапия – көйне җибәрү һәм аны җырлау», – дип яза ул.
Соңгы видеоларының берсе әнисе белән дуэт халык тарафыннан яратып кабул ителгән. Аларга соклану хисләре белдергәннәр һәм иң югары бәя биргәннәр.
«Искиткеч, әниегез шундый матур җырлый. Афәрин!»;
«Күңел кылларын тибрәтте. Сез шундый матурлар, җырны искиткеч башкарасыз»;
«Ян, сезнең җырларны яратып тыңлыйм, бүген инде әниегез Зилә белән шундый матур итеп җырлыйсыз»;
«Әни белән ул җырлый торган иң яхшы дуэт. Искиткеч башкару, әниегез – бик матур ханым»;
«Бигрәк моңлы тавыш»;
«Нинди искиткеч тавыш, Сезне сәхнә көтә»;
«Әни белән ул – иң матур дуэтларның берседер бу!»;
«Бигрәк матур, җанга үтәрлек итеп җырлыйсыз», – кебек комментарийларны бихисап калдырганнар.