Раяз Фасыйховка Татарстанның халык артисты исеме Камал театрының яңа бинасында тапшырылды

Бүген, 20 гыйнварда, Казанда Камал театрының яңа бинасы рәсми рәвештә ачылды.

Тантанада Россия мәдәният министры Ольга Любимова, Татарстан Республикасы Рәисе Рөстәм Миңнеханов, Россия Театр әһелләре берлеге рәисе Владимир Машков, Россия Төзелеш һәм торак-коммуналь хуҗалыгы министры Ирек Фәйзуллин катнашты. Чара Татарстан Республикасы Мәдәният министрлыгының йомгаклау коллегиясе утырышы белән дәвам итте.

Ачылыш тантанасында Раяз Фасыйховка «Татарстан Республикасының халык артисты» исеме бирелде. Ул, тантана алдыннан, Камал театрының яңа бинасының фойесын күрсәтте.

«Башта бу театр бинасын спектакльләр белән тутырырга кирәк. Аннары бәлки берәр нәрсә уйларбыз. Минем әле берәр спектакльдә катнашып карыйсым килә. Бу сәхнәгә чыгасы килә», – диде ул соңыннан, «Татар-информ» хәбәрчесенең дә котлауларын кабул итеп.

• «Халык артисты» исеме алган Раяз Фасыйховка Салават Фәтхетдинов нәрсә дигән?