Ватанны саклаучылар көнендә ничек ял итәбез?
Татарстан Хезмәт, мәшгульлек һәм социаль яклау министрлыгы февраль аенда өстәмә ял көне булуын искәртте. Бу турыда министрлык сайтында язылган.
Ведомство Ватанны саклаучылар көне уңаеннан эш тәртибен аңлатты. Россия Федерациясе Хезмәт кодексының 112 нче маддәсе нигезендә, 23 февраль — эшләми торган бәйрәм көне.
Шуңа бәйле рәвештә, 2026 елда биш көнлек эш атнасы булган очракта, 24–27 февраль көннәрендәге эш атнасы кыскартылган булачак һәм дүрт эш көненнән тора.