Авалхине чĕртсе

Алран кайми аки-сухи. Чăвашсен авалхи юрри эрнекун татах янăрарĕ. Çĕрпӳ тăрăхĕнче Акатуй кĕрлерĕ. Çавăн пекех Тихвăн ярмăркки те çынсене пухрĕ. Аваллăхпа паллаштаракан, спорт вăййисемпе пуян уява эпир те çитсе килтĕмĕр. Вĕртсе хăпартнă батутсем аякранах курăнаççĕ. Халăха тĕрлĕ таварпа тивĕçтерекен палаткăсем нумаййи те ярмăркка пулнине палăртать. Таврана янратакан шăхлич сасси уява пуянлатать çеç. Виçĕ ĕмĕр ĕнтĕ çапла. Хусанти, Чулхулари, Чĕмпĕрти, нумай пысăк хулари, çитменнине, Китайри тĕрлĕ гильди купсисене, çынсене XVII-XVIII-мĕш ĕмĕрсенчех Тихвăн ярмăркки илĕртнĕ. Утă уйăхĕн пуçламăшĕнче хальхинче те Çĕрпĕве Чăваш Енрен çеç мар, тĕрлĕ регионтан çынсем пухăнчĕç. РИММА БЕЛОВА: «Ярмăркка ĕнтĕ вăл, вырăссем калашле: «На людей посмотреть, себя показать». Кунта темĕн те курма пулать, темĕн те туянма пулать. Тĕрлĕрен мероприятисем пулаççĕ. Тахçан курман çынсене те курма пулать». «Чăваш халăх хуçалăхĕ» лапамран пăрăнса иртме çук. Çăкăр-тăварпа, кăпăклă сăрапа – çапла кĕтсе илеççĕ хаклă хăнасене. Чăвашсен тĕрлĕ йăла-йĕрке. Вăрманкасри пултарулăх ушкăнĕ чăваш туйĕн пĕр сыпăкĕпе – хĕр йĕррипе – паллаштарчĕ. Паллах, районăн ĕçпе юрă уявĕ те çак кун иртет. Çураки вăхăтĕнче палăрнисем, хисеплĕ тата нумай ачаллă çемьесем тĕрле шайри Хисеп хучĕсене твиĕçрĕç. «Чи лайăх механизатор», «Акари чи лайăх водитель», «Чи лайăх сĕт сăвакан» – çулсерен вĕсене те акапа суха туйĕнче палăртаççĕ. Хальхинче Чемпион хăйăвне тата сертификата Александр Григорьев, Владислав Яковлев, Светлана Капитонова тивĕçрĕç. Акатуй спорт тата культура мероприятийĕсемпе те пуян пулчĕ. «Культурăн çул юппийĕ» регионсен йышĕнчи фестиваль 8 тăрăхри тата Чăваш Енри 19 пултарулăх ушкăнне пĕрлештерчĕ. – Çак уявра куратпăр ĕнтĕ, пирĕн патне ытти регионсенчен те нумай килнĕ. Çавăн пек пухăнни хамăр йăла йеркесене пăхăнса пынине пĕлтерет. Илĕртет ĕнтĕ вăл, пĕр енчен, çакăнта пурăнакансене. Унсăр пçсне çакăн пек илĕртӳллĕ уяв. Çакăн пек уяв ытти регионсенчен килекенсене те питĕ илĕртӳллĕ япала. Çавăнпа та çак пуянлăха туйса пирĕн маллалла утмалла пултăр. «Халăх ал ăсти» пултарулăх тупăшăвне каçал 37 ăçта хутшăнчĕ. Киров, Чулхула облаçĕсенчен, Мари Элтан, республикăри районсенчен килнисем 20 номинацире хăйсен вăйне тĕрĕслеме пултарчĕç. Алина Сусметова, Алексей Иванов, Николай Скворцов