Тухăç паракан тата çĕре пулăхлатакан им-çам

«Буйский хими завочĕ» 30 çул майлă им-çам тăвассипе тимлет. «Химлюкс» тулли мар яваплă пĕрлешӳ ку заводпа 13 çул ĕçлет ĕнтĕ. Пысăк пĕрлешӳре «Хелатэм» шывра ирĕлекен им-çампа тăрăшаççĕ. Раççейĕпе те çак енпе тăрашакан пĕртен пĕр пĕрлешӳ. Ку им-çампа ĕçлеме ятарлă техника е хатĕр кирлĕ мар. Çавăнпа та çĕрпе ĕçлекен пур çын та унпа усă курма пултарать. Чăваш Енри хуçалăхсем им-çам пахалахне туйса курнă та.

ЮРИЙ ЕМЕЛЬЯНОВ: «Эпир Буйский минераллă удобренипе питĕ тачă çыхăнса ĕçлетпĕр. Акварин текен минераллă удобрени, унта тĕрлĕрен химически веществосемпе улма çине усă курса тĕрлĕрен минераллă удобренисене усă куратпăр. Питĕ качественный удобрени тесе каламалла. Вырăнла усă куратпăр. Семенной участоксем çинче те, продовольственный участоксем çинче те».

«Химлюкс» пĕрлешӳ органоминераллă им-çампа та ĕçлет. Торф тата минераллă тăварсен хутăшне Раççейре тек пĕр пĕрлешӳ те тумасть. Шăпах çак им-çам çĕрулми çитĕнтерекенсем валли те. Вăл тымара çирĕплетет. Çав вăхăтрах çĕре пулăхлатма май парать. «Химлюкс» пĕрлешӳ аталанса пырать. Кăçал вĕсем «Буйский» хими завочĕпе пĕрле Чăваш Енре сутупа ĕçлекен пĕрлешӳ уçаççĕ. Кирлĕ им-çама шыраса тата тавара кӳрсе килнĕ чухне вăхăт ирттермелле мар, çывăхрах тата йӳнĕрех туянма май пултăр – çак тĕллевпе уçаççĕ те регионти склада. Вăл вара Чăваш Республикине çеç мар Чĕмпĕр облаçĕпе Мари-Эл Республикине те им-çампа тивĕçтермелле. Тулли информаципе Буйский хими завочĕн сайтĕнче паллашма пулать.