Փաշինյանը կարեւորել է Ռուսաստանի հասցեական արձագանքը

Կառավարությունից հայտնում են, որ այդ մասին նա ասել է Ռուսաստանի նախագահ Վլադիմիր Պուտինի հետ հեռախոսազրույցում:


«Քննարկվել է Ադրբեջանի կողմից Լաչինի միջանցքի ապօրինի շրջափակման հետեւանքով Լեռնային Ղարաբաղում շարունակվող հումանիտար ճգնաժամը: Այս համատեքստում վարչապետ Փաշինյանն անդրադարձել է մարտի 5-ին Ադրբեջանի կողմից Լեռնային Ղարաբաղում իրականացված ահաբեկչական գործողությանը եւ դրա հետեւանքներին: Լեռնային Ղարաբաղում ճգնաժամի հաղթահարման համատեքստում ՀՀ վարչապետը կարեւորել է ՌԴ-ի կողմից հասցեական արձագանքը», - ասված է հաղորդագրության մեջ: