Çĕпĕр язвине тимлĕхре тытаççĕ
Республика Пуçлăхĕ Олег Николаев Правительство пайташĕсене Чăваш Республикин патшалăх ветеринари службин çĕнĕ пуçлăхĕпе Александр Шакинпа паллаштарчĕ. «Эсир ĕçе хĕрӳ тапхăрта кӳлентĕр», – терĕ вăл.
Александр Шакин тӳрех Çĕрпӳ тăрăхĕнчи Кивĕ Тутайкассинчи карантин йĕрки пирки каларĕ. Унта 4 сăнав пункчĕ ĕçлет. Ют автомобильсене, çынсене, вылăх-чĕрлĕхе кунта кӳртме, кăларма юрамасть. Мăйракаллă пĕчĕк тата шулта выльăха Çĕпĕр язвинчен вакцина тунă. Ку хăрушă чир малалла сарăлас хăрушлăх çук. Чăваш Республикин патшалăх ветеринари службин пуçлăхĕ Александр Шакин каланă тăрăх, халĕ те кивĕ тутайкассисем пуснă аш-какая кама парса янине палăртман. Вĕсене тупма «пакунлисене» явăçтарнă.