23 мартка һава торышы һәм ай календаре
23 мартта Татарстанда алмашынучан-болытлы, явым-төшемнәрсез һава торышы була. Төнлә һәм иртән урыны белән томан. Көнбатыштан, көньяк-көнбатыштан уртача тизлектә җил. Төнлә һава температурасы -2..-7˚, көндез 5.. 10˚ градус. Төнлә һәм иртән юлларда урыны белән бозлавык.
Үсеш алучы ай, ай Үгезбозау йолдызлыгында.
Үсемлекләргә су сибү, минераль ашламалар белән ашлау мөмкин. Борыч, помидор, баклажан орлыкларын суда бүрттереп, рассадага чәчү өчен уңай вакыт. Озын булып үсә торган борыч рассадаларын бүлгәләп, аерым савытларга күчереп утыртырга була.