14-15 апрельгә һава торышы һәм ай календаре

14 апрельдә Татарстанда аязучан-болытлы һава торышы була. Төнлә урыны белән яңгыр ява. Көндез явым-төшемнәрсез. Төньяк-көнбатыштан уртача тизлектә, төнлә 13 метр тизлектә көчле җил. Төнлә һава температурасы -2..+3˚, көндез +7..+12˚ градус.

15 апрельдә Татарстанда болытлы, төнлә аязучан-болытлы һава торышы була. Төнлә явым-төшемнәрсез. Көндез яңгыр явачак, урыны белән яшенле яңгыр ява. Көньяктан, көньяк-көнчыгыштан уртача тизлектә, көндез урыны белән 15-20 метр тизлектә көчле җил. Төнлә һава температурасы -2..+3˚, көндез +11..+16˚ градус.

Үсүче ай, ай Кысла йолдызлыгында.

Агач-куакларның ботакларын кисү тыела. Үсемлекләрне сугару, ашламалар сибү өчен уңай вакыт. Салкынга чыдам чәчәк орлыкларын теплицага чәчеп, өстен пленка белән каплап куярга була.