Авыл янындагы сулыкта баткан машинада ике ир-ат һәм эт табылган
Башкортстанның Иглин районындагы Веселый авылында машина эчендә 2 ир-ат һәм эт мәете табылган. Россия Тикшерү комитетының Башкортстан буенча Тикшерү идарәсе җинаять эше ачкан. Бу турыда «Башинформ» хәбәр итте.
Ир-атларга 53 һәм 55 яшь. Тикшерү белешмәсе буенча, 25 апрельдә иртән аларны «ВАЗ-21150» машинасы эчендә табалар. Машина сулыкка төшеп баткан. Салонда эт тә була. Аларның барысында да машинадан чыккан газлар белән агулану билгеләре ачыклана.
Урынга тикшерүчеләр килгән, экспертизалар билгеләнгән. Тикшерү бара.
«Башинформ» үз чыганакларына сылтама белән хәбәр иткәнчә, ир-атлар хәмер эчкән булуы ихтимал. Машинада хәмер шешәсе табылган.