დაკავებების შემდეგ, საპარლამენტო ოპოზიცია უსაფრთხოების საკითხებზე მსჯელობას აქტიურად განიხილავს

გურიასა და აჭარაში დაკავებების შემდეგ, კვლავ აქტიურად განიხილავენ საპარლამენტო ოპოზიციის წევრები უსფრთხოების საკითხებზე მსჯელობას.

თავისუფალი დემოკრატები ნდობის ჯგუფის სხდომის გამართვის აუცილებლობაზე საუბრობენ. მათი თქმით, თემის აქტუალობიდან და მნიშვნელობიდან გამომდინარე, საჭიროა დეპუტატების მონაწილეობით მსჯელობა და დეტალების განხილვა, მითუმეტეს, რომ მასალებს გრიფით საუდუმლო ადევს.

პარალელურად, კვლავ უშიშროების საბჭოს სხდომის მნიშნველობაზე ამახვილებენ ყურადღებას ნაციონალური მოძრაობის წევრები და ამბობენ, რომ ის აუცილებლად უნდა გაიმართოს. მათ ასევე მიაჩნიათ, რომ ეს საკითხები თავდაცვის კომიტეტის ფორმატშიც უნდა განიხილონ.

“უშიშროების საბჭო, რომელიც დაგეგმილია პრეზიდენტთან, დაგვანახებს რამდენად ადეკვატურად და სერიოზულად უყურებს ამას ჩვენი ხელისუფლება,“ - განაცხადა მიხეილ მაჭავარიანმა.  

უმრავლესობაში იმედოვნებენ, რომ უსაფრთხოების სამსახურს აქვს შესაბამისი მტკიცებულებები და სათანადოდ გაეცემა პასუხები, რის საფუძველზეც აღიძრა საქმე.

„დარწმუნებული ვარ, რომ ყველა არგუმენტი და მტკიცებულება აქვს სახელმწიფო უსაფრთხოების სამსახურს და არ დარჩება არც ერთი კითხვა, ვინაიდან საქმე ეხება ადამიანებს, რომლებიც ტერორიზმის მცდელობის ბრალდებით არიან დაკავებული,“ - განაცხადა ანი მიროტაძემ.