ԵՐԵՎԱՆ, 2 դեկտեմբերի. /ԱՌԿԱ/. ՎՏԲ-Հայաստան բանկը հայտարարել է ոսկու գրավադրմամբ վարկավորման պայմանների բարելավման մասին, դարձնելով այն առավել հասանելի հաճախորդներին, հայտնեցին ընկերության մամուլի ծառայությունից:
«Ոսկու գրավով ապահովված վարկի տրամադրումը վարկավորման շուկայում ամենապահանջված տեսակներից մեկն է: Այդ դեպքերում, երբ շտապ անհրաժեշտ են դրամային միջոցներ, ՎՏԲ-Հայաստան Բանկը առաջարկում է հարմար և ապահով՝ ոսկյա իրերի գրավով վարկի ձևակերպում: Վարկի ձևակերպման գործընթացը կատարվում է Հաճախորդի ընդամենը մեկ այցելությամբ Բանկ ՝ 20 րոպեի ընթացքում»,-ասված է հաղորդագրությունում:
ՈՀաղորդագրության համաձայն, ոսկյա իրերի գրավադրմամբ ֆիզիկակական անձանց վարկավորման պայմաններն ու սակագները հետևյալն են.
Ոսկյա իրերի գրավադրմամբ վարկը տրամադրվում է կանխիկ ՀՀ դրամով Հայաստանի հանրապետության ռեզիդենտներին` անձը հաստատող փաստաթղթի և հանրային ծառայությունների համարանիշի (սոցիալական քարտի) առկայության դեպքում:
Տարեկան անվանական տոկոսադրույք՝ սկսած 22%-ից: Վարկի առավելագույն գումար՝ 3 մլն ՀՀ դրամ:
Որպես գրավ ընդունվում են ոսկյա իրեր և ադամանդներ (ինչպես ոսկյա իրերի վրա, այնպես էլ առանձին): Բանկն առաջարկում է հաճախորդների համար շահավետ գնահատման արժեք, իսկ “վարկ-գրավ” հարաբերակցությունը սահմանվում է 100%: Գրավի գնահատման ընթացքում հաշվի չեն առնվում նրա գեղարվեստական արժեքը, թանկարժեք և կիսաթանկարժեք քարերը: Եթե զարդը մի քանի մետաղների և հարգի տարասեռ համաձուլվածք է, ապա գնահատման ենթակա չէ:
Ոսկյա իրերի գրավադրմամբ վարկ ձևակերպելու համար անհրաժեշտ է այցելել ՎՏԲ-Հայաստան Բանկի 65 մասնաճյուղերից մեկը: Վարկի տրամադրման մասին ավելի մանրամասն տեղեկատվություն ստանալու համար կարող եք զանգահարել ՎՏԲ-Հայաստան Բանկի միասնական տեղեկատու՝ 87-87 հեռախոսահամարով կամ այցելել Բանկի պաշտոնական կայք հետևյալ հղումով՝ http://vtb.am/retail/credits/goldcredit/ :
«ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ՀԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ:-0-
Bungie continues to fire into its feet with both barrels: A new armor set in Destiny 2 has just been disabled because it makes the player who wears it completely invisible
Color Maze Adventure 2.0.0
«Деньги не пахнут»: Как Blox World наживается на доверии игроков Roblox
