ՎՏԲ-Հայաստան Բանկը ներկայացրել է ոսկու գրավադրմամբ վարկավորման նոր պայմաններ
ՎՏԲ-Հայաստան Բանկը հայտարարում է ոսկու գրավադրմամբ վարկավորման նոր պայմանների մասին:
Բանկում նշել են, որ ոսկու գրավադրմամբ վարկավորման գործընթացն այսուհետ կատարվում է հաճախորդի մեկ այցելությամբ բանկ ՝ 20 րոպեի ընթացքում:
Ոսկյա իրերի գրավադրմամբ վարկը տրամադրվում է կանխիկ դրամով՝ ՀՀ ռեզիդենտներին՝ անձը հաստատող փաստաթղթի եւ հանրային ծառայությունների համարանիշի (սոցիալական քարտի) առկայության դեպքում:
Վարկի առավելագույն գումարը 3 մլն դրամ է, տարեկան անվանական տոկոսադրույքը՝ սկսած 22%-ից:
Որպես գրավ ընդունվում են ոսկյա իրեր եւ ադամանդներ (ինչպես ոսկյա իրերի վրա, այնպես էլ առանձին):
Բանկում ընդգծում են, որ «վարկ-գրավ» հարաբերակցությունը սահմանվում է 100%:
«Գրավի գնահատման ընթացքում հաշվի չեն առնվում նրա գեղարվեստական արժեքը, թանկարժեք եւ կիսաթանկարժեք քարերը: Եթե զարդը մի քանի մետաղների եւ հարգի տարասեռ համաձուլվածք է, ապա գնահատման ենթակա չէ»,- ասված է հաղորդագրությունում: